Жээнбеков аз мушкили бузурге гуфт, ки имрӯзҳо ӯро азият медиҳад
Президенти Қирғизистон Сооронбой Жээнбеков гуфт, фурӯши овоз - ин зарба ба ояндаи кӯдакон, давлат ва ояндаи худ аст
Раисиҷумҳури Қирғизистон Сооронбой Жээнбеков дар суҳбат бо "Биринчи радио" изҳор дошт, ки имрӯзҳо ӯро як мушкил - хариди овозҳо, азият медиҳад.
"Бузургтарин мушкил имрӯз, ки ҳам ман ва ҳам ҳар шаҳрванди ғамхори кишварро азият медиҳад - ин мушкили хариди овозҳо мебошад. Фардо рӯзи раъйдиҳӣ аст ва ман мехоҳам даъват кунам, ки овозҳоро нафурӯшанд. Инсоне, ки барои ояндаи худ, кӯдакони худ ва давлататаш ғамхор аст, ҳеҷ гоҳ ба чунин кор даст намедиҳад", - гуфт президент.
Жээнбеков қайд кард, ки фурӯши овоз - ин зарба ба ояндаи кӯдакон, давлат ва ояндаи худ аст, менависад Sputnik Қирғизистон бо такя ба "Биринчи радио" .
Ӯ қайд кард, ки парлумони нав ба рушди кишвари мо таъсири амиқе хоҳад дошт.
Имрӯз дар Қирғизистон интихоботи парлумонӣ баргузор мегардад.
Ёдрас мешавем, ки интихоботи парлумонии пешини Қирғизистон дар соли 2015 баргузор шуд ва дар натиҷаи он намояндагони аҳзоби сотсиал - демократ, республика Отажурт, Қирғизистон ва дигар аҳзоби сиёсӣ вориди маҷлис шуданд.
Парлумони Қирғизистон 120 намоянда дорад ва олитарин ниҳоди тасмимгирӣ дар он кишвар аст.
Комментарии (0)