Тоҷикистон ба зимистон омода аст?

Президенти Тоҷикистон, Эмомалӣ Раҳмон дастур дод, ки муассисаҳо ва инфрасохтор ба зимистон омода карда шаванд.

Дар ин бора дафтари матбуоти раисҷумҳури Тоҷикистон иттилоъ дода, афзуд, ки ин масъала мавзуи меҳварии ҷаласаи машваратии баргузорнамудаи Эмомалӣ Раҳмон буд.

Дар ҷаласа, шаҳрдори Душанбе Рустами Эмомалӣ, сарвазири мамлакат Қоҳир Расулзода, роҳбари Дастгоҳи иҷроияи Президент Озода Раҳмон ва роҳбарони сохторҳои низомию ҳифзи ҳуқуқ иштирок доштаанд.

Ҷамъоварии саривақтии ҳосил, омодагӣ ба зимистони дарпешистода, аз ҷумла ба фасли сармо омода намудани муассисаҳои иҷтимоӣ, аҳолӣ, инфрасохтори роҳу нақлиёт ва захираи маводи ғизоӣ аз ҷумлаи масъалаҳои асосии машварати корӣ буданд, афзуд дафтари матбуоти президент.

Ҷамъоварии ҳосил ва омодагӣ ба мавсими сармо инчунин ахиран аз мавзуъҳои меҳварии суҳбатҳои телефонии президенти Тоҷикистон бо аъзои ҳукумат ва раисони шаҳру навоҳӣ буд.

Дафтари матбуоти президенти Тоҷикистон, гуфт Эмомалӣ Раҳмон дар суҳбат бо роҳбарон масъалаи дар ҳар як оила захира намудани маводи озуқа ва тухмии аълосифати зироатҳои кишоварзиро барои соли оянда махсус таъкид намудаст.