Пешгӯии 31 дараҷа сардӣ дар Тоҷикистон

Ҳаво дар шарқи ВМКБ то 31 дараҷа, дар вилоятҳои Хатлону Суғд то 3 дараҷа гарм, дар Душанбе ва ноҳияҳои атрофи он то 6 ва 8 дараҷа гармӣ дар назар аст

Дар Тоҷикистон вазъи обу ҳаво андаке рӯ ба беҳбуд ниҳодааст. Вале Оҷонсии обуҳавошиносӣ мегӯяд, бо вуҷуди андак гарм шудани ҳаво рӯзҳои 19 ва 20 январ дар минтақаҳои алоҳидаи кӯҳӣ хавфи фаромадани тарма ҷо дорад.

Ин манбаъ ҳавои ВМКБ - ро бидуни боришот арзёбӣ намуда, дар қисмати ғарбӣ шабона ҳаво то 17 ва рӯзона то 5 дараҷа сард мешавад. Зимнан, даар шарқи вилоят рӯзона то 21 ва шабона то 31 дараҷа ҳаво хунук мешавад. Ин дар ҳолест, ки бинобар сард омадани ҳаво дар ВМКБ ҳоло лимити барқ ҷорӣ аст.

Манбаъ ҳавои вилояти Суғдро низ бе боришот арзёбӣ кард. Дар ин ҷо рӯзона ҳаво то 3 дааҷа гарм, вале шабона то 9 дараҷа хунукӣ пешгӯӣ мешавад.

Дар вилояти Хатлон низ боришот дар назар нест. Ҳаво дар водиҳо шабона 2-7 дараҷа хунук, рӯзона аз 2 дараҷа хунук то 3 дараҷа гарм мешавад.

Дар шаҳру ноҳияҳои тобеи марказ ҳавои тағйирёбандаи бебориш пешгӯӣ мешавад. Ҳаво дар водиҳо шабона 4-9 дараҷа хунук, рӯзона 3-8 дараҷа гарм мешавад.

Дар Душанбе ҳавои тағйирёбандаи бебориш пешгӯӣ мешавад. Шамол аз самти ғарб бо суръати 4-9 метр дар як сония мевазад. Ҳаво шабона 5-7 дараҷа хунук, рӯзона 4-6 дараҷа гарм мешавад.