Безоснинг ракетаси фазовий сайёҳлар билан учинчи парвозни амалга оширди

Америкалик миллиардер Жефф Безоснинг Blue Origin компанияси томонидан ишлаб чиқилган New Shepard фазовий ракетаси навбатдаги — учинчи парвозини амалга оширди. Ракета ўз бортида 6 нафар фазовий сайёҳ билан орбитага йўл олди.

Ракета Техасдаги Corn Ranch страт майдончасидан 11 декабрда маҳаллий вақт билан соат 9:45да (Тошкент вақти билан 19:45) учирилган. Парвоз 10 дақиқа давом этган, шундан кейин сайёҳлар махсус капсулада Ерга қайтган.
Ракета бортида АҚШнинг биринчи фазогири Алан Шепарднинг қизи Лора Шепард, ABC телеканалида эфирга узатилувчи Good Morning America кўрсатуви бошловчиси Майкл Страхан ҳамда яна 4 нафар сайёҳ — Дилан Тейлор, Эван Дик, Лейн Бесс ва Кэмерон Бесс бўлган.
Безоснинг Blue Origin компанияси суборбитал сайёҳлик парвозларини амалга ошириб, бундай парвозлардан биринчиси жорий йилнинг 20 июлида амалга оширилганди. Ўша парвоз давомида Безоснинг ўзи, унинг акаси Марк Безос, 82 ёшли собиқ аёл учувчи Уолли Фанк ва 18 ёшли нидерландиялик Оливер Деймен орбитага йўл олганди.
New Shephard’нинг иккинчи парвози октябрда амалга оширилганди ва унинг давомида тадбиркор Глен де Фриз, 90 ёшли актёр Уильям Шетнер, Blue Origin вице-президенти Одри Пауэрс ва NASA’нинг собиқ муҳандиси Крис Бошуизен фазога саёҳат қилиб қайтганди.