Афзоиши маҳсулоти металлӣ дар Тоҷикистон

Корхонаҳои музкур арматураи сохтмонӣ, сими металлӣ, кунҷаки металлӣ, саққо, қубур ва профили металлӣ, рехтаи пӯлодиро истеҳсол намуданд.Дар ин бора вазорати саноат ва технологияҳои нави Тоҷикистон хабар додааст.Ба иттилои манбаъ коркарди металл ва истеҳсоли маҳсулоти металлӣ нисбат ба ҳамин давраи соли гузашта ба миқдори 10 ҳазор тонна ё ба маблағи 65,1 миллион сомонӣ зиёд мебошад.Суръати афзоиш дар истеҳсоли маҳсулоти гуногуни металлӣ дар ин давра 25,3 фоиз таъмин гардидааст.
Вазорати саноат қайд кардааст, ки қаблан маҳсулоти дар боло номбаршуда аз хориҷи мамлакат бо асъори хориҷӣ ба ҷумҳурӣ ворид мегардиданд.
Дар ҳамин ҳол, масъулини вазорати саноат иттилоъ додааст, ки корхонаҳои саноати маъданҳои куҳӣ ва металлҳои қиматбаҳои мамлакат агар дар соли 2019 дар ҳаҷми 3,3 млрд сомонӣ маҳсулот истеҳсол намуда бошанд, ин нишондиҳанда дар соли 2023 ба 5,8 млрд сомонӣ баробар гардида, рушди он 75,5% таъмин шудааст.

САРЧАШМА:​sputnik​​​