АҚШ Яқин Шарқда олтита бомбардимончи самолётини жойлаштирди

Қўшма Штатлар минтақадаги кескинлашув фонида Яқин Шарққа олтита B-52 бомбардимончи самолётини жойлаштирди. Бу ҳақда Америка расмийларига таяниб, Air & Space Forces Magazine нашри маълум қилди, деб ёзмоқда РИА Новости.

Якшанба куни АҚШ Марказий қўмондонлиги (CENTCOM) B-52 самолётлари гуруҳи Яқин Шарққа етиб келганини айтди, бироқ уларнинг сонини ошкор қилмади.

«АҚШ жами олтита B-52 самолётини, F-15E Strike Eagle қирувчиларининг қўшимча парвозини ва ҳавода ёқилғи қуйиш самолётларини ушбу самолётларни қўллаб-қувватлаш учун жойлаштирмоқда», — деб ёзади нашр.

Бомбардимончи самолётлар айнан қаерда жойлашганини айтишмаган, бироқ уларга кўра, яқинда у ердан келган юк самолёти Қатарга, АҚШнинг Аль-Удейд минтақасидаги энг йирик авиабазасига қўнган.

Аввалроқ Пентагон Қўшма Штатлар Яқин Шарққа қўшимча равишда эсминец, бомбардимончи самолётлар ва қирувчи самолётлар юборгани ҳақида хабар берган эди. Ушбу кучлар яқин ойларда минтақага кела бошлайди, Abraham Lincoln бошчилигидаги авиаташувчи зарбалар гуруҳи кетишга тайёрланмоқда.