АҚШда буғуларни зомбига айлантирувчи ҳалокатли касаллик пайдо бўлди

АҚШ касалликлар профилактикаси ва назорати бўйича марказлари буғу ва лось ҳайвонларда ҳалокатли касаллик пайдо бўлганини маълум қилишди. Бу ҳақд Daily Mail нашри хабар қилмоқда.
Хабарда келтирилишича, ушбу касаллик АҚШнинг 24 та штатида ҳамда Канаданинг иккита провинциясида қайд этилган.
Сурункали оздирувчи хасталик деб аталувчи касаллик ҳайвон бош, орқа миясини жароҳатлайди ва бирданига озиб кетишга сабаб бўлади. Шунингдек, ҳайвон ҳаракатларининг ўзаро мувофиқлигини йўқотишга ва юқори даражадаги тажовузкорлигига олиб келади.
Касаллик юққан ҳайвонларни кўрган одамларнинг сўзларига кўра, улар ҳақиқатдан ҳам зомбига ўхшаб қолишган.