Ҳаитидаги турмадан 78 маҳбус қочиб кетди

Ҳаитидаги турмаларнинг биридан камида 78 маҳбус қочиб кетди. Бу ҳақда “Франс Пресс” ахборот агентлиги хабар берди. 
Маълум қилинишича, воқеа мамлакат жанубидаги Акен аҳоли пунктида юз берган. Воқеа тафсилотлари келтирилмаган. 
Айни вақтда маҳбуслар қочиши тафсилотларини аниқлаш бўйича тергов олиб борилмоқда. Гувоҳларнинг айтишича, воқеа юз берган вақтда турмага ёндош полиция бўлими биноси олдида мамлакат президенти Жовенел Моизга қарши намойиш ўтаётган бўлган.