Дар соли 2023 Русия ба 124 ҳазор муҳоҷири хориҷӣ ниёз дорад

Мақомоти Русия эълон кардааст, ки дар соли 2023 дар ин кишвар наздик ба 124 ҳазор муҳоҷири меҳнатӣ ба корҳои гуногун ҷалб карда мешаванд

Мақомоти Русия дар соли оянда ният доранд, 124 шаҳрванди хориҷиро ба корҳои гуногун ҷалб кунанд.

Иттилоъ дар ин бора дар сомонаи расмии санадҳои меъёрии ҳуқуқӣ нашр шудааст.

Тибқи ин санад, дар соли 2023 зарурати ҷалби коргарони хориҷие, ки ба Русия бар асоси раводид меоянд, дар ҳаҷми 123 943 нафар муайян карда шудааст.

Мақомот мехоҳад шаҳрвандони хориҷиро бештар ба корҳо дар бахши истихроҷи маъданҳои кӯҳӣ ва корҳои сохтмону монтаж (32808 нафар) ҷалб намояд.

Инчунин мақомот мехоҳад 23 ҳазору 664 нафарро ба корҳо дар корхонаҳои хурду калони саноатӣ ҷалб намоянд. Бахши саноати коркарди филизот ва машинасозӣ ба 14 ҳазору 343 нафар коргар ниёз доард.

Ҳамзамон тибқи иттилои манбаъ, дар Русия бештар ба ҳафт ҳазор коргари беихтисос зарурат аст.

Тибқи иттилои расмӣ, шумори муҳоҷирони корие, ки вориди Русия шудаанд дар семоҳаи дуюми соли 2022 ба 3 миллиону 120 ҳазор нафар расидааст, ки нисбат ба соли 2021 беш аз 30 дарсад зиёд шудааст.