Толиблар Афғонистонда ғалаба қозониб бўлмаслигини тан олишди

Улар вазиятнинг ҳарбий ечими йўқлигини тан олишди ва АҚШ ҳукумати ва вакиллари билан учрашув ўтказишга тайёрлар. 

"Толибон" ҳаракати Афғонистондаги вазиятнинг ҳарбий ечимининг имкони йўқлиги ва ғалаба қозониб бўлмаслигини тан олди, РИА Новости хабарига таяниб sputniknews-uz.com ёзмоқда, АҚШ давлат котибининг Афғонистондаги ярашиш бўйича Махсус вакили Залмай Халилзод баёнотига асосан.

“Биз муаммони ҳал қилиш учун аввало АҚШ билан ва кейин Афғонистан ҳуқумати билан учрашув ўтказишимиз керак”, - деб келтирди толибонларнинг сўзини Залмай Халилзод журналистларга.

Абу-Дабидаги толиблар билан ўтказилган музокараларда АҚШ, БАА, Саудия Арабистони ва Покистон вакиллари иштирок этишди. Шунингдек, Афғонистон ҳукумати делегацияси келди, у "ёпиқ музокаралар"га тайёргарлик кўрган эди, бироқ толиблар бу таклифни рад этишди. Ушбу учрашувда томонлар Аф-онистонда уч ойлик тинчлик ўрнатиш масаласини муҳокама қилишди.

Эслатиб ўтамиз, Афғонистондаги тинчлик ўрнатиш масаласи Ўзбекистон ташқи сиёсатининг фаол йўналишларидан бирига айланган. Бундай бўлишига қатор ижтимоий, сиёсий ва иқтисодий жиддий сабаблар мавжуд. Тошкентда охирги йил давомида Афғонистонда тинчлик ўрнатишга бағишланган бир неча халқаро анжуманлар бўлиб ўтди. Улардан энг муҳимларидан бири - ноябр ойида Афғонистон тинчлик ўрнатиш бўйича Афғонистон, Покистон ва Ўзбекистон иштирокида уч томонлама комиссиянинг тузилиши бўлди. Халқаро экспертлар фикрига кўра ушбу комиссия Афғонистонда тинчлик ўрнатишда муҳим роль ўйнаши керак.