Қироати шеъри Рӯми ва саломи тоҷикӣ: паёми саифири нави Амрико дар Тоҷикистон -Навор
Ҷон Марк Поммершайм, сафири нави Амрико дар Тоҷикистон, қабл аз сафараш ба Душанбе нахустин паёми видеоии худро нашр кард
Ҷон Марк Поммершайм паёмашро бо забони тоҷикӣ оғоз кард ва гуфт, хушҳолам, ки дар сарзамини меҳмоннавози тоҷикон ба ҳайси сафири Амрико кор хоҳам кард.
Паёми Ҷон Марк Поммершаймро рӯзи 7 март сафорати Амрико дар Душанбе дар саҳифааш дар Фейсбук интишор кард.
Сафири Амрико ҷаноби Ҷон Марк ПоммершаймДӯстон, Сафири навтаъиншудаи ИМА ҷаноби Ҷон Марк Поммершайм дар роҳ ба сӯи сарзамини меҳмоннавози тоҷикон аст. Сафир бесаброна интизори оғоз намудани фаъолияти худ, шинос шудан бо табиати ҳайратангези Тоҷикистон ва фарҳанги бойи он аст! Салому дуруди ӯро дар ин навор бубинед! ------- We’re excited to welcome Ambassador John Mark Pommersheim to Tajikistan very soon. Check out his message below.
Geplaatst door U.S. EMBASSY, DUSHANBE, TAJIKISTAN op Woensdag 6 maart 2019
Ҷон Марк Поммершайм, дар паёми худ қайд намудааст, ки 29 сол мешавад, ки ба ҳайси дипломат фаъолият мекунад.
Вай гуфт ҳамроҳ бо ҳамсараш Наталия ва се писараш дар Русия, Белорус, Чин, Ҷопон, Олмон ва Қазоқистон зиндагӣ ва кор кардааст.
“Вазифаи ман, ҳамчун саири Амриков дар Тоҷикистон тақвият бахшидани ҳамкориҳҳо дар соҳаи тиҷорат, кишоварзӣ, тандурустӣ, амният, маориф, таҳкими робитаҳои байниҳамдигарӣ ва таъмини волояти қонун мебошад”, - таъкид намуд Ҷон Марк Поммершайм.
Вай инчунин таъкид намудааст, ки хеле хушҳол аст, ки ба ҳайси сафири Амрико дар Тоҷикистон интихоб шудааст ва бесаброна интизор аст ҳамроҳ бо ҳамсараш Наталия бо табиати ҳайратангези ва фарҳанги бойи Тоҷикистон ошно шавад.
Сафири нави амрико дар Тоҷикистон зикр намудааст, ки пеш аз ба Тоҷикистон омаданаш омӯзиши забони тоҷикӣ оғаз кардааст ва дар бораи меҳмоннавозии ва адабиёти пурҳикмати тоҷикон маълумоти зиёде гирифтааст.
Ӯ дар паёмаш мегӯяд, дар Тоҷикистон ҳатман кӯҳнавардӣ хоҳад кард ва оши палави тоҷикиро хоҳад чашид.
“Бо аҳли оилаам умедвори онам, ки ба сеёҳати кӯҳӣ машғул шуда ва аз хурдани оши палови маъруф дар иҳотаи дӯстони тоҷикам, ҳангоми сафарҳоям ба шаҳру ноҳияҳои ин кигшвар ҳаловат мебарам”, - гуфт вай.
Дар анҷоми паёмаш Ҷон Марк Поммершайм густариши равобитро ба манфиати халқҳои ҳарду кишвар номида, паёмашро бо як мисраи Ҷалолиддини Румӣ “Ҳамдилӣ аз ҳамзабонӣ беҳтар аст” анҷом дод.
Ёдрас мешавем, ки Ҷон Марк Поммершейм дар роҳбарии сафорати Амрико дар Тоҷикистон Кевин Ковертро иваз мекунад.
Ҷон Марк Поммершейм дипломати касбӣ буда, соҳиби мақоми консул аст ва аз соли 1990 дар низоми сиёсати хориҷии Амрико кор мекунад. Ӯ ахиран муовини роҳбари намояндагии сафорати Амрико дар шаҳри Остона, пойтахти Қазоқистон буд.
Поммершейм қаблан дар консулгарии Амрико дар шаҳри Владивостоки Русия ва ҳамчунин дар 6 намояндагии дигари дипломатии кишвараш, аз ҷумла дар Чину Ҷопон фаъолият кардааст.
Комментарии (0)