Писари Бег Сабур медали тилло гирифт
Сиёвуш Зуҳуров писари сардори Хадамоти алоқаи Тоҷикистон Бег Сабуров дар мусобиқаи варзишӣ оид ба бокс , медали тилло гирифт
Дар шаҳри Новосибирскии Русия мусобиқаи кушоди умумирусиягӣ оид ба бокс баргузор гардид, ки варзишгари тоҷик Сиёвуш Зуҳуров ба гирифтани медали тилло сазовор гардид.
Мусобиқаи мазкур ба хотири устоди варзиши иттиҳоди Шӯравӣ Дмитрий Панов аз 29 октябр то 2 ноябо доир гардида буд.
Гуфта мешавад, муштзани тоҷик Сиёвуш Зуҳуров дар вазни 91 кг бо нишон додани бартарии бештар нисбат ба рақибон медали тиллои мусобиқаро ба гардан овехт.
Қобили зикр аст, ки Сиёвуш барои ду маротиба дар ин мусобиқа иштирок ва ду дафъа зинаи дуюмро ишғол карда буд.
Сиёвуш Зуҳуров писари сардори Хадамоти алоқаи Тоҷикистон Бег Сабур мебошад. Муштзани 25-сола акнун ба мусобиқаҳои байналмилалии Истампул омодагӣ мегирад.
Комментарии (0)