Тоҷики баинсоф: муҳоҷир миллион рублро ёфту ба соҳибаш баргардонд- навор

Дар шабакаҳои иҷтимоӣ қаҳрамонии як корманди баинсофи мағоза, ки аз Тоҷикистон будааст, ҳамаро дар ҳайрат гузошт


Дар навор роҳбарони ин мағоза чандин бораҳо бо фахр таъйид мекунанд, ки ин нафар ҳамкори онҳо аз Ҷумҳурии Тоҷикистон аст.

Зимнан аз навор бармеояд, ки соҳиби ин миқдор маблағ аз баинсофии  муҳоҷири тоҷик ангушти ҳайрат мегазад. Ва ба дархости он ки маблағҳояшро баршуморад , ҷавоб додаст, ки "Лозим нест. Ман ба ӯ бовар дорам!".

Бисёре аз корбарони шабакаҳои иҷтимоӣ аз  чунин як амали хайрихоҳии як коргари одӣ аз Тоҷикистон ҳайрон монда таҳсину офаринаш мехонданд.

Ҳамзамон чанд корбари дигар пас аз тамошои ин навор қайд намуданд, ки муҳоҷири тоҷик "девона" аст, ки як миллион рублро дарёфт ва  ба соҳибаш баргардондаст.