Қариб ниҳоӣ шуд: Эрон мақоми нозир дар ИИАО-ро ба даст меорад?

Масъалаи додани мақоми нозир ба Эрон дар Иттиҳоди иқтисодии АвруОсиё дар нишасти сарони ин созмон дар моҳи декабр баррасӣ хоҳад шуд.Дар ин бора муовини вазири рушди иқтисоди Федератсияи Русия Дмитрий Волвач дар шарҳи натиҷаҳои ҷаласаи Шӯрои Комиссияи иқтисодии АвруОсиё хабар дод.Ба гуфтаи ӯ, Шӯрои Иттиҳодияи иқтисодӣ охири ҳафта қарорҳое қабул кард, ки рӯзномаи шӯрои ниҳоии байниҳукуматӣ ва Шӯрои олии иқтисодии Авруосиёро муайян мекунанд.Аз муҳимтарин масъалаҳои қабулшуда ба таъкиди вай, албатта, ба Ҷумҳурии Исломии Эрон додани мақоми кишвари нозир дар Иттиҳоди иқтисодии Авруосиё мебошад."Ин маънои онро дорад, ки моҳи декабр дар Шӯрои олии иқтисодии АвруОсиё ин тасмим бояд аз ҷониби раҳбарони кишварҳои мо баррасӣ ва қабул шавад, ва ИИАО ҳудуди худро тавассути иштироки як шарики иловагӣ ва хеле муҳим барои мо, ки дар мақоми кишвари нозир васеъ хоҳад кард«, — гуфт Волвач.Қаблан Юрий Ушаков, ёвари раиси ҷумҳури Русия хабар дода буд, ки рӯзи 25 декабр дар Санкт-Петербург нишасти Иттиҳодияи олии иқтисодии Авруосиё баргузор мешавад.
Ба гуфтаи вай, ин дувумин нишасти сарони кишварҳо дар соли 2024 аст ва дувумин нишаст бо дархости ҷониби Арманистон дар қаламрави Русия баргузор мешавад, ҳарчанд ин нишаст таҳти раёсати сарвазири Арманистон Никол Пашинян баргузор мешавад.Соли 2018 Эрон ва ИИАО як созишномаи тиҷоратии имтиёзнок бастанд, ки тибқи он ҳоло ҳудуди 862 номгӯи мол бо боҷҳои имтиёзнок содирот мешаванд. Созишнома 27 октябри соли 2019 эътибор пайдо кард.Дар охири моҳи декабри соли 2023 дар ҷараёни нишасти сарони ИИАО дар шаҳри Санкт-Петербурги Русия ҳарду ҷониб низ Созишномаи тиҷорати озодро ба имзо расонданд.
Дар оғози соли 2024 Теҳрон барои дарёфти мақоми нозирӣ ба созмон дархост кард.


САРЧАШМА:​sputnik.tj​​​