Аз оғози сол нарху тарифҳо дар Тоҷикистон 4,7% боло рафтанд

Давоми нуҳ моҳи соли ҷорӣ сатҳи таваррум дар бахши истеъмолии Тоҷикистон 4,7%-ро ташкил дод. Ҳамин давраи соли гузашта ин нишондиҳанда ба 6% баробар буд.
Моҳи гузашта мизони таваррум 0,7%-ро ташкил дод. Аз ҷумла моҳи октябр маҳсулоти хӯрокворӣ - 1,4%, маҳсулоти ғайрихӯрокворӣ – 0,3% қимат шуда, хизматгузориҳои пулакӣ баръакс 0,6% арзон шуданд.
Дар маҷмӯъ аз оғози сол маҳсулоти хӯрокворӣ, ғайрихӯрокворӣ ва хизматрасониҳо ба андозаи 4,7% қимат шуданд.
Ҳукумати Тоҷикистон ният дорад, ки аз рӯи натиҷаҳои соли равон таваррумро дар сатҳи на бештар аз 7% нигоҳ дорад. Аз рӯи натиҷаҳои соли гузашта мизони таваррум дар Тоҷикистон 6,7%-ро ташкил дода буд.
Кадом маҳсулоту хизматрасониҳо моҳҳои январ-октябр аз ҳама бештар қимат шуданд?
Маҳсулоти хӯрокворӣ:
Карам - 17,5%
Пиёз - 14,8%
Сабзӣ- 11,3%
Шир - 8,8%
Тухм - 7,1%
Равған - 3,1%
Орди навъи якум - 2%
Маҳсулоти ғайрихӯрокворӣ:
Бензин - 16,9%
Матои абрешим - 11,9%
Дастгоҳҳои маишӣ - 9,5%
Маҳсулоти дорусозӣ - 6,7%
Семент - 5,3%
Воситаҳои шустушӯ - 4,9%
Хизматрасониҳо:
Нақлиёти мусофирбари ҳавоӣ – 55,6%
Обу корез - 10,4%
Гази моеъ - 3,2%
Сафар дар нақлиёти автомобилӣ - 1,8%