Пешгирии муомилоти ғайриқонунии маводи тарфгарӣ

Зимни доир намудани чорабиниҳои оперативӣ-ҷустуҷӯӣ аз ҷониби кормандони милитсия марди 20-солаи сокини ноҳияи Ашт, бо гумони муомилоти ғайриқонунии маводи тарфгарӣ (пиротехникӣ) дастгир карда шуд. 

Дар вақти кофтукови шахсӣ аз номбурда мувофиқи маълумотномаи Шуъбаи ташхисӣ-криминалистии ШВКД дар ноҳияи Б.Ғафуров 3 ҳазору 920-адад маводҳои пиротехникии силиндрашакли «Трения» ва «Корсар» дарёфт ва гирифта шуд. 

Ҳамчунин ҳангоми гузаронидани чорабиниҳои оперативӣ-ҷустуҷӯӣ кормандони милитсия дар ноҳияи Б.Ғафуров марди 36-солаи сокини шаҳри Конибодомро бо гумони муомилоти ғайриқонунии маводи тарфгарӣ дастгир намуданд. 

Дар вақти кофтукови шахсӣ аз номбурда 2 ҳазору 432-адад маводҳои пиротехникии силиндрашакли «Трения» дарёфт ва гирифта шуд. 
Ҳамин тариқ, аз ҷониби кормандони милитсия ҳангоми гузаронидани чорабиниҳои оперативӣ-ҷустуҷӯӣ марди 22-солаи сокини шаҳри Хуҷанд, бо гумони муомилоти ғайриқонунии маводи тарфгарӣ дастгир карда шуд.

Дар вақти кофтукови шахсӣ аз номбурда 3 ҳазору 960-адад маводҳои пиротехникии силиндрашакли «Трения» дарёфт ва гирифта шуд. 
Ҳамчунин бо доир намудани чорабиниҳои оперативӣ-ҷустуҷӯӣ кормандони милитсия марди 35-солаи сокини шаҳри Хуҷандро бо гумони муомилоти ғайриқонунии маводи тарфгарӣ дастгир намуданд. 

Дар вақти кофтукови шахсӣ аз дохили пакети селофании номбурда 1 ҳазору 210-адад маводҳои пиротехникии намуди “Трения”, 24-дона мушаки дастӣ ва 2-дона мушаки фаввора дарёфт карда, гирифта шуд. 

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 20-солаи сокини шаҳри Истаравшан бо гумони муомилоти ғайриқонунии маводи тарфгарӣ дастгир карда шуд. 

Дар вақти кофтукови шахсӣ аз номбурда 1 ҳазору 350-дона маводҳои пиротехникии намуди “Трения” дарёфт карда, гирифта шуд. 

Ҳамчунин ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони ШВКД дар ноҳияи Ҷ.Расулов ҷавони 18-солаи сокини ноҳияи мазкур, донишҷӯи соли 1-уми Донишгоҳи давлатии Хуҷанд, бо гумони муомилоти ғайриқонунии маводи тарфгарӣ дастгир карда шуд.

Дар вақти кофтукови шахсӣ аз номбурда 1 ҳазору 350-дона маводҳои пиротехникии намуди “Трения” ва 1-дона мушаки фаввора дарёфт карда, гирифта шуд. 

Оид ба ҳодисаҳои мазкур парвандаҳои ҷиноятӣ бо моддаи 199 иловаи 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.