17 сол баъд: Толиби амрикоӣ аз зиндон раҳо мешавад. ВИДЕО

Ҷон Волкер Линд, як амрикоӣ, ки замони ширкат дар ҷангҳои Афғонистон дар тарафи Толибон ноябри соли 2001 боздошт шуд, қарор аст 23 май зиндонро тарк кунад. Линд 38 сол дорад ва ӯ бо исми “Толиби амрикоӣ” маъруф шудааст. Қарор аст ӯро се сол пештар аз хатми мӯҳлати 20-солаи зиндон барои рафтори хубаш аз зиндони низомаш сангини Индиана озод кунанд. Линд зодаи Калифорния буда, дар 16-солагӣ дини исломро қабул карда дар миёнаҳои соли 2001 ба сафи Толибон пайвастааст.

ИМА дар паи ҳамлаҳои террористии 11 сентябри соли 2001 вориди Афғонистон шуд ва Линд яке аз садҳо ҷангиёни Толибон буд, ки рӯзи 24 ноябр дар Афғонистон боздошт гардид. Ҳоло, ки Линд ба озодӣ мебарояд, шоҳиди он мешавад, ки ҷанги ИМА бар зидди Толибон ҳанӯз ҳам идома дорад. Залмай Халилзод, дипломати собиқадори амрикоӣ то ҳол чандин даври музокирот бо Толибонро анҷом додааст, вале Толибон аз музокира бо намояндагони ҳукумати Афғонистон худдорӣ карда, ҳеҷ гоҳ даст аз хушунатҳо набардоштанд.