Генерал Қаҳҳоров: "Барои хизмат кардан дар мансаб будан шарт нест"
![](https://gdb.rferl.org/64EE4828-B885-4E17-B7B6-2DD5BC0E17E2_w1023_r1_s.jpg)
Оқои Қаҳҳоров имрӯз, 5 март дар як сӯҳбати кӯтоҳ ба Радиои Озодӣ гуфт, "албатта мехостам дар паҳлӯи намерагонам бошам, лекин чи хеле, ки тамоми ҳаёт ба мардум, ба давлат хидмат кардам ҳарчанд дар нафақа ҳам бошам, оянда низ ҳар чӣ аз дастам ояд хидмат мекунам. Барои хидмат кардан шарт нест дар ягон мансаб будан".
Собиқ дабири Шӯрои амнияти Тоҷикистон дар посух ба саволе, ки натиҷаи кори худро чӣ гуна арзёбӣ мекунад, гуфт бигузор кори ӯро дигарҳо баҳо диҳанд ва худ наметавонад ба фаъолияти кории худ баҳо диҳад. Ӯ гуфт, феълан зиёд банд аст ва бо пайдо кардани фурсат, сӯҳбат бештар хоҳад кард.
Абдураҳим Қаҳҳоров дар моҳи январи соли 2012 ба курсии дабири Шӯрои амнияти Тоҷикистон нишаста буд. Ӯ то он замон вазири умури дохилии Тоҷикистон буд. Ба ҷои Абдураҳим Қаҳҳоров дар мақоми дабири Шӯрои амнияти Тоҷикистон, Маҳмадалӣ Ватанзода, ки ёрдамчии президенти Тоҷикистон оид ба масъалаҳои ҳуқуқӣ буд, таъин гардид.
Комментарии (0)