Гази Узбекистон ба хонаи сокинони Душанбе расид. ВИДЕО
![](https://gdb.rferl.org/657DA764-5BAA-41FA-97A4-6DD4A7DDA505_cx13_cy3_cw78_w1023_r1_s.jpg)
- “Дар ҳоли ҳозир фишори гази Узбекистон паст аст мо фақат чой ҷӯшонда метавонем”, - гуфт ӯ рӯзи 15-уми январ дар суҳбат бо Радиои Озодӣ.
Пештар гази моеъ истифода мебурдем, ки 1 литри он то 4 сомониву 50 дирам буд. Як моҳ боз гази табиии Узбекистонро истифода мебарем ва нархи он тақрибан ду баробар арзонтар аст.
Зулфия Урунова мегӯяд, барои ҳар метри мукааб гази табиӣ 1 сомониву 70 дирам пардохт мекунанд. Дар як моҳ ҳаққи истифодаи гази табиӣ ба 40 сомонӣ баробар будааст. Ҳанӯз бо иллати муддати тӯлонӣ истифода нашудани лӯлаҳои гази табиӣ ва бурида шудани баъзе аз лӯлаҳо сокинони маҳаллаҳои дигари пойтахт ҳанӯз гази табиии Узбекистонро дарёфт накардаанд.
[media=https://flashvideo.rferl.org/Videoroot/Pangeavideo/2019/01/9/92/924b0f30-91c7-4db4-abb3-cf5341dae4e0_manifest.mpd]
Масъулони идораи “Душанбегаз” мегӯянд, сабаби аслии ба маҳллаҳои дигар шуруъ накардани интиқоли гази табиии Узбекистон фарсуда шудани лӯлаҳои гази табиӣ аст. Барои таъмири лӯлаҳои интиқоли гази табиӣ ба сокинони маҳаллаҳои пойтахт корхонаи “Душанбегаз” ҳанӯз сармояи кофӣ надорад. Аммо ҳамзамон теъдоде аз ошхонаву тарабхонаҳо бо таъмиру азнавсозии лӯлаҳо бо сармояи худ соҳиби газӣ табиӣ шудаанд:
![](https://gdb.rferl.org/31E84A45-9621-40CB-A4F8-4CFFCBBEC039_w650_r0_s.jpg)
![](https://gdb.rferl.org/D628518B-2648-45F1-AA43-57DBD3267D66_w650_r0_s.jpg)
![](https://gdb.rferl.org/E448E656-3A68-47ED-9BE4-D99D8EAE6C4C_w650_r0_s.jpg)
Сокинон аз соли 2010, замони то 250 доллари амрикоӣ баланд бурдани қимати гази воридотӣ аз Узбекистон комилан аз истифодаи он маҳрум шуда буданд. Он замон солона Тоҷикистон аз Узбекистон то ҳудуди 600 миллион метри мукааб гази табиӣ мехарид.
Комментарии (0)