Дар Нидерландия минбаъд барои пӯшидани ниқоб 150 евро ҷарима мекунанд
![](https://cdn2.img.sputnik.tj/images/102403/39/1024033947.jpg)
Нидерландия низ ҳамакнун ба сафи он кишварҳои шомил гардид, ки пӯшидани ҳиҷоб ва ё сатр барои шаҳрвандон дар ҷойиҳои ҷамъиятӣ манъ карда шудаст
Сар аз 1- уми августи соли равон дар Нидерландия барои шаҳрвандон пӯшидани сатр ва ё ҳиҷоб расман манъ карда шуд.
Гуфта мешавад, пӯшидани сатр ва ё ҳиҷоб дар муассисаҳои таълимӣ, беморхона ва нақлиёти ҷамъиятӣ манъ карда шудааст.
Вазорати умури дохилии Нидерландия аз кормандони пулис даъват кард, ки иҷрои маҳдудияти мазкурро назорат ва таъмин кунанд.
Барои намуна, маъмурони ҳифзи ҳуқуқ агар занеро бо ниқоб бинанд, онро маҷбур хоҳанд кард, ки рӯяшро кушояд. Дар сурати ғайр, вуруди ӯ ба бино манъ ва 150 евро ҷарима баста мешавад.
Ҳудуди 5 дарсади аҳолии Нидерландияро мусулмонон ташкил медиҳанд. Асосан онҳо зодагони Туркия, Индонезия ва Мағриб ҳастанд.
Баъзе аз идораҳои пулис ва муассисаҳои тиббии Нидерландия аллакай ошкоро гуфтанд, ки ба риояи қонуни нав касеро маҷбур нахоҳанд кард.
Пештар дар Фаронса, Дания, Болгария, Австрия ва баъзе аз минтақаҳои Швейтсарияву Испания низ пӯшидани либосе, ки рӯйро пинҳон медорад, манъ карда шуда буд.
Комментарии (0)