Коронавирус: Қишда Европанинг ярми омикронга чалинади, Россия кучли тўлқинга тайёрланмоқда
ЖССТ коронавируснинг омикрон варианти Европа аҳолисининг ярмини зарарлашидан огоҳлантирди. Қолаверса, ташкилот экспертларининг фикрича, омикронга ҳар йили аҳолининг катта қисми касалланадиган мавсумий грипп каби ёндашишга ҳали эрта.
АҚШда кунлик ҳолатлар бўйича янги рекордлар қайд этилмоқда, Хитойда яна бир шаҳар карантинга ёпилди, рекорд даражада касалланиш ҳолатлари қайд этилаётган яна бир мамлакат Швецияда янги чекловлар жорий этилмоқда.Хитойда янги ўчоқлар
Хитойнинг расмий ахборот агентлиги «Синьхуа»нинг ёзишича, Хэнан провинциясидаги Аньян шаҳрида маҳаллий ҳукумат фуқароларга кечқурун уйдан чиқиш ва машинада ҳаракатланишни тақиқлади. Шаҳар аҳолиси сони беш миллиондан ошади.
Хитой биринчи тўлқиндан буён чегараларни ёпиш ҳамда оммавий тест олишни ўз ичига олган қатъий локдаунлар эвазига касаллик кенг авж олишининг олдини олишга муваффақ бўлиб келмоқда, аммо сўнгги вақтларда айрим йирик шаҳарларда эпидемиянинг янги ўчоқлари пайдо бўлиши кузатилди - бу Пекиндаги қишки Олимпия ўйинлари бошланишига бир неча ҳафта қолганида рўй бермоқда.
Ўтган ҳафтада Хэнан провинциясидаги бошқа бир шаҳар Юйчжоунинг бир миллион аҳолисига уйда қолиш буюрилганди. 13 миллион киши яшайдиган Сиань шаҳри эса учинчи ҳафтадирки карантинда қолмоқда.
Сешанба куни Хитой 110та янги касалланиш ҳолати ҳақида хабар берди. Пандемиянинг йирик ўчоқлари, масалан, АҚШ билан таққосланса, бу кўп эмас, аммо қишки Олимпиада арафасида ҳукумат қаттиқ ташвишланмоқда.
Дунёдаги энг қатъий карантин чекловлари амал қилаётган Ҳонгконгда эса омикрон муносабати билан чоралар янада кучайтирилди, февраль ойигача болалар боғчалари ва бошланғич мактаблар ёпилди.
АҚШ ковид рекордларини янгиламоқда
Душанба куни Қўшма Штатлар 1,35 млн янги касалланиш ҳолати ҳақида хабар берди. Бу кунлик ўсиш бўйича энг юқори кўрсаткичдир.
Аввалги рекорд - 1,03 млн ҳолат - 3 январь куни қайд этилганди. Ҳар душанбада статистика айниқса қўрқинчли кўриниш олмоқда, чунки кўплаб штатлар дам олиш кунларида ҳисоботларни эълон қилмайди. Мамлакатда икки ҳафта ичида ҳафталик кўрсаткичлар уч баробар кўпайган.
Ковид туфайли шифохонага ётқизилган беморлар сони ҳам рекорд даражада кўтарилиб, уч ҳафтада икки баробар кўпайган. Душанба куни 136 мингдан ортиқ киши шифохоналарга ётқизилган, бу борада ундан аввалги кўрсаткич ўтган йил январида қайд этилганди - 132 минг киши.
Омикрон билан касалланиш кўп ҳолларда енгил кечаётган бўлса-да, соғлиқни сақлаш соҳаси вакиллари рўй бераётган ўсиш ҳолатлари шифохоналарга юкламани ошириши мумкинлигидан огоҳлантирмоқда - кўплаб тиббиёт муассасалар беморлар оқими ортиши ва ходимлар етишмовчилиги туфайли режалаштирилган жарроҳлик амалиётларини қолдиришга мажбур бўлган.
Омикрон авж олиши мактаблар фаолиятига ҳам зарба берди - таълим муассасаларида ҳам ходимлар етишмаяпти - ўқитувчилардан тортиб мактаб автобуси ҳайдовчиларигача касал. Чикагодаги мактаблар қарийб бир ҳафтадан буён ишламаяпти.
Нью-Йоркда ходимларнинг кўпчилиги касаллангани туфайли метронинг уч линияси фаолияти тўхтатилган.
Pfizer компанияси бош директори Альберт Бурла омикронга қарши алоҳида вакцина ишлаб чиқиш зарурлигини айтди ва компания мартгача вакцинани тақдим этишини билдирди.
![](https://storage.kun.uz/source/8/h3AHf-NPgFzYk02ntOFGdJtpRZjKFcby.jpg)
«Тайёрланиш учун бир неча ҳафта бор»
РФ президенти Владимир Путин ҳукумат йиғилишида Россия коронавируснинг навбатдаги тўлқини арафасида турганини айтиб ўтди.
«Кўриниб турибдики, биз бугунги кунда жуда мураккаб вазиятда турибмиз, янги эпидемия авж лиши мумкин бўлган вазиятда. Қолаверса, байрамлар катта бўлди, бу вақтда одамлар ўртасидаги мулоқот интенсив эди. Бу мамлакатдаги эпидемиологик вазиятда акс этмай қолмайди», дея унинг сўзларини келтирган «Интерфакс».
Путиннинг сўзларига кўра, Россияда касаллик ўсишига тайёрланиш учун бир неча ҳафта бор.
«Турли муассасаларни сафарбар қилишимиз керак: ҳам федерал, ҳам регионал, ҳам тармоқларни. Барча билан ишлашимиз ва ушбу вируснинг янги тўлқиндаги эҳтимолий зарбаларига тайёр туришмиз керак», — сказал он.
Путин COVID-19га қарши эмлаш суръатларини ошириш зарурлигига эътибор қаратиб, бош вазир Михаил Мишустинга «яқин вақт ичида бу масалани мамлакат регионлари билан муҳокама қилиш»ни топшириқ қилган.
«Спутник V — коронавирусга қарши курашда, эҳтимол бутун дунёда қўлланаётган бошқа вакциналардан ҳам кўра самаралироқ бўлиши мумкин», дея қўшимча қилган Путин.
Бош вазир ўринбосари Татьяна Голикова ҳукумат ҳафта охиригача касалланиш ўсишига қарши ўз вақтида жавоб қайтариш ва тегишли тиббий ёрдам кўрсатиш имконини берувчи қўшимча чора-тадбирларни тақдим этишини маълум қилган.
Голикованинг сўзларига кўра, 12 январь куни РФ ҳудудида омикрон билан боғлиқ 698 ҳолат қайд этилган, шундан кўпчилиги Москва регионига тўғри келади.
«Омикрон келтириб чиқарадиган навбатдаги эпидемия авж олишидан қочиб қутула олмаймиз. Унинг илк зарбасини пойтахт ҳудуди қабул қилади», деган у.
11 январь куни Москва мэри Сергей Собянин 7-10 ичида шаҳарда коронавирусга чалиниш билан боғлиқ ҳолатлар сезиларли даражада ўсишини, шаҳарда қўшимча койкалар очилаётганини маълум қилди. Оператив штаб маълумотларига кўра, 12 январь ҳолатига Россияда яна 17 946 ҳолат қайд этилган, шундан 4008 ҳолат Москвага тўғри келади.
![](https://storage.kun.uz/source/8/DVtYbTyTGaJfxpNU527fcp5pLGcsJn0K.jpg)
Ҳиндистон пойтахтида омикрон варианти тарқалишига қарши кураш фаоллашмоқда. Шаҳар расмийлари барча хусусий компаниялар офисларига ходимларни масофадан ишлаш режимига ўтказиш бўйича тавсия берган. Дорихона ва телекоммуникация каби фавқулодда хизматлар учунгина истисно қилинган.
Шаҳар раҳбари Арвинд Кеджривал уйида иҳоталанадиган одамлар учун йога бўйича онлайн-машғулотлар ташкиллаштиришни таклиф қилиб, бу иммунитетни оширишга кўмаклашишини қайд этган.
Ҳиндистонда ковид билан зарарланиш ҳолатлари сешанба куни 170 мингга етди - бу бир ой олдингидан 20 баробар кўпроқ. Аммо шифохонага ётқизилганлар сони эпидемиянинг аввалги тўлқинларидагига қараганда камроқ.
Европа аҳолисининг ярми икки ой ичида омикронга чалинади
ЖССТнинг Европа бўйича директори Ҳанс Клюге ташкилот прогнозларига кўра, кейинги олти-саккиз ҳафталикда Европа аҳолисининг ярми омикрон варианти билан касалланади.
2022 йилнинг дастлабки ҳафтасида Европада 7 миллиондан ортиқ янги касалланиш ҳолати қайд этилган - бу икки ҳафта ичида кўрсаткичлар икки баробар ошганини кўрсатади.
Францияда душанба куни 23 минг киши шифохонага ётқизилган. Бу 2021 йил апрелидан буён энг жиддий ўсишдир.
Польша соғлиқни сақлаш вазирлиги мамлакатда коронавирус қурбонлари сони 100 мингдан ошганини маълум қилган.
Испания ҳукумати эса коронавирусни аниқловчи антиген тестлар учун чакана нархларни чеклаш қоидаларини ишлаб чиқмоқда - декабрда кўплаб дорихоналар тестлар етишмовчилигидан шикоят қилганди.
Комментарии (0)