Пентагон Кобул аэропортидан кетиши муддатини маълум қилди

Америкалик ҳарбийлар Кобул аэропортида камида яна 2 ҳафта қолади. Бу ҳақда Пентагон матбуот котиби Жон Кирби ABC News телеканали эфирида маълум қилди. 

“Бизнинг мақсад аэропорт ўз ишини давом эттира олишини таъминлаш, у ерда хавфсизлик ва барқарорликни қўллаб-қувватлашдан иборат”, деб айтган Кирби.    
Унинг таъкидлашича, АҚШ Афғонистондаги ҳарбийларини яна 2 ҳафтага қолдирмоқчи. “Гап нафақат америкаликларни эвакуация қилиш, балки бизга охирги 20 йил давомида бизга ёрдам берган афғонлар олдидаги бурчимиз ҳақида бормоқда. Биз бундай одамлардан иложи борича кўпроғини олиб чиқишимиз лозим”, - деб қўшимча қилган Пентагон вакили.
ОАВ маълумотларига кўра, аэропортда унинг ҳудудига киришга уринаётган минглаб одамлар қолмоқда.