Шанҳайдаги давлат банки бўлими собиқ директори пора олгани учун бир умрга қамалди

У пора эвазига кредит ажратиш ва қурилиш пудратларини олиб бериш билан шуғулланган.

Шанҳайдаги Савдо-саноат банки бўлими собиқ директори Гу Гомин 136 млн юан (21 млн доллар) миқдорида пора олгани учун бир умрга озодликдан маҳрум этилди. Бу ҳақда “Пэнпай” ахборот портали хабар берди.
Гу Гомин 2002 йилдан 2019 йилгача Савдо-саноат банкида турли масъул лавозимларда ишлаган. Маълумот берилишича, у пора эвазига кредит ажратиш ва қурилиш пудратларини олиб бериш билан шуғулланган.
Хитойда коррупцияга қарши кураш 2012 йилдан кучайди. Охирги йилларда коррупцияга қарши кураш кампанияси доирасида кўплаб амалдорлар панжара ортига жўнатилди.