Грузияда қурилиш чангига қарши катта жарималар билан курашишмоқчи

Тбилисида қурилиш материалларидан фойдаланиш устидан назорат кучайтирилади — чангланувчи материалларни сақлаш ва ишлашда қоида бузганларни катта-катта жарималар кутмоқда. Бу ҳақда «NewsGeorgia» «Имеди» телеканалига асосланиб хабар бермоқда.
Маъмурий ҳуқуқбузарликлар кодексига ўзгартишлар киритиши кутилаётган тегишли қонун лойиҳасини Грузия парламентининг Атроф-муҳит ва табиат ресурсларини ҳимоя қилиш қўмитаси ишлаб чиққан.
Демак, ушбу қонун лойиҳасига кўра, чангланувчи материалларни қайта ишлаш (қирқиш, арралаш, майдалаш ва бошқалар)да намлаш усулидан фойдаланмаганлик учун жисмоний шахсларга 500 лари (189 доллар атрофида) жарима солинади. Юридик шахслар учун жарима икки ҳисса кўп — 1 минг лари (377 доллардан кўпроқ).
Агарда қоидабузарлик такрорланса жисмоний шахслар 1 минг, юридик шахслар 2 минг лари жаримага тортилади.
Чангланувчи материалларни қадоқсиз, очиқ ҳавода сақлаганлик учун ҳам жарима кўзда тутилган: жисмоний шахслар — 200 лари (75 доллардан кўпроқ), юридик шахслар — 500 лари.
Грузияда қурилиш қилишда экологик меъёрларни бузаётганларга солинадиган жарималар миқдори батафсил мана бу ҳаволада.