Петербургдан Ўзбекистонга учган самолёт Самарада қўнишга мажбур бўлди

Санкт-Петербургдан Наманганга парвоз қилган самолёт Ўзбекистон фуқаросининг ўзини ёмон ҳис қилиши туфайли Самара аэропортига қўнишга мажбур бўлди. Бу ҳақда Куйбишев транспорт прокуратураси хабар берди.
Хабарда айтилишича, Санкт-Петербург – Наманган йўналишида У6 2509 рейси билан парвоз қилаётган самолёт Курумоч халқаро аэропортида мажбурий қўнишни амалга оширган.
"Мажбурий қўниш сабаби – 1988 йилда туғилган Ўзбекистон фуқароси, гипертония хасталиги бўлган аёлнинг ўзини ёмон ҳис қилиши", - дейилади хабарда.
Прокуратуранинг хабарига кўра, аёлга зарур тиббий ёрдам кўрсатилган ва шаҳардаги касалхоналардан бирига ётқизилган. Самолёт яна учиб кетган.

Энг сўнгги хабарлардан биринчи бўлиб хабардор бўлинг. Kun.uz'ни ижтимоий тармоқларда ҳам кузатинг