Ҳалокати кӯдак пас аз эмгузаронӣ: Вазорати тандурустӣ мегӯяд тафтишот мебарад
Вазири тандурустии Қазоқистон дар робита ба ҳалокати кӯдак пас аз гирифтани эм ба хонаводаи марҳум изҳори тасаллӣ намуда афзудаст, ки таҳқиқи ин ҳодисаро зери назорати қатъии худ қарор додаст
Вазорати беҳдошти Қазоқистон омили асосии ҳалокати кӯдакро таҳқиқ дорад, ки ба эҳтимоли зиёд бар асари нодуруст гузарондани эм ҷон бохтаст.
Вазири беҳдошти ин кишвар Елжан Биртанов дар ҷамъи хабарнигор бобати ин қазия изҳори назар намуда, афзудааст, ки ин ҳодисаи нохушро зери назорати қатъии худ қарор медиҳад.
"Аз ҳалокати кӯдак бисёр мутаассиф ҳастем. Аз даст додани фарзанд ғаму ғуссаи бузурге аст барои хонаводаи ӯ. Вазорати тандурустӣ барои таҳқиқи ин ҳодиса тамоми чораҳои заруриро меандешад", - изҳор намудаст Елжан Биртанов.
Гузашта аз ин, вазири беҳдошт илова намудаст, ки то имрӯз ягон далели тасдиқшаванда оиди фавти ин кӯдак бар асари эмгузаронӣ ба ҷузъ аз баёнияи модараш мавҷуд нест.
"Баёнияти як нафар басанда нест, то хулосаи ниҳоӣ барорем. Аз ин рӯ барои дақиқан маълум кардани омили ҳалокати ин тифл тамоми чораҳои лозимиро пиёда намудем ва дар ояндаи наздик муаммои сарбаста кушода мешавад, гуфтааст вазири тандурустии Қазоқистон.
Ёдовар мешавем, ки авоили моҳи декабр як корбари Instagram @rozovyi.enot.astana хабари фавти кӯдакашро паҳн намуд ва изҳор дошт, ки фарзандаш пас аз гирифтани эм ба ҳалокат расид.
Комментарии (0)