Хариди ҷангандаҳои муосир: Қирғизистон барои таҳкими марз барномаи вижа қабул кард

Мақомоти Қирғизистон чаҳор вазифаеро ном бурдаанд, ки барои таъмини амнияти марзи кишварашон дар солҳои наздик бояд иҷро шаванд. Онҳо дар Барномаи миллии рушди Қирғизистон то соли 2026, ки бо фармони президент Содир Ҷабборов қабул шудааст, зикр шудаанд, хабар медиҳад Sputnik Қирғизистон.

Дар барнома гуфта мешавад, ки вазъи амнияти марзҳо ба тамомияти арзӣ, ташаккули самтҳои сиёсати хориҷӣ, суботи иҷтимоӣ, рушди иқтисодӣ, соҳаи иттилоот ва дигар соҳаҳои ҳаёти давлат таъсири мустақим дорад.

Гуфта мешавад, ки нопурра будани раванди делимитатсия ва демаркатсияи сарҳад омили муайянкунандаест, ки таҳдидҳои берунӣ ва дохилиро ба амнияти сарҳад ба вуҷуд меорад. Вазифаи аввалиндараҷа ҳалли ин масъала аст.

Вазифаҳои аввалиндараҷаи давлат:

- бақайдгирии ҳуқуқии сарҳади давлатӣ, такмили қонунҳо, танзими фаъолияти мақомоти давлатӣ ва мақомоти ҳокимияти маҳаллӣ оид ба таъмини амнияти сарҳад;

- таҷдиди инфрасохтори мавҷудаи сарҳадӣ, инчунин шароит барои ҳаракати озоди қонунии одамон, молҳо, воситаҳои нақлиёт ва бор аз сарҳад бо мақсади вокуниш ба чолишҳо ва таҳдидҳо ба амнияти сарҳадӣ;

- бо аслиҳаи замонавӣ, техникаи ҳарбӣ ва махсус, системаҳои баланди технологӣ ва бисёрфунксионалии автоматикунонидашуда, нақлиёти мобилӣ, инчунин воситаҳои техникии назорати амниятӣ ва телевизионӣ, системаҳои назорати дастрасӣ, алоқа ва ғайра таъмин карда шаванд;

- такмил додани системаи таълим, тайёр кардан ва бозомузии кадрҳо, баланд бардоштани ҳифзи иҷтимой, таъмини афзоиши касбй.

Ёдовар мешавем, ки ҳафтаи гузашта дар Бишкек 40 зиреҳпӯши ҷангӣ, ки бо пули буҷет барои Хадамоти давлатии марзбонии Кумитаи давлатии амнияти миллии Қирғизистон харида шуда буданд, муаррифӣ шуд.

Дастгоҳи раёсатҷумҳурӣ хабар дод, ки барои нахустин бор аз буҷет 300 миллион сӯм барои ин миқдор таҷҳизот масраф шудааст. Мошинҳои ҷангӣ ва аслиҳа ба вилояти Бодканд фиристода мешаванд.

Қамчибек Ташиев, раиси Кумитаи давлатии амнияти миллии Тоҷикистон низ аз тасмими харидории ҳавопаймоҳои бесарнишини "Байрактар" ва "Орлан-10" аз Туркия ва Русия хабар дод.