КМИ Украина: Зеленский қариб ду баробар аз Порошенко пеш аст

Комисcияи марказии интихоботи Украина пас аз шумориши беш аз 95 дар сади варақаҳо натиҷаҳои нави даври аввали интихоботи президентии 31-уми мартро эълон кард.

Аз ҳаҷвнигор Владимир Зеленский 30,22 дар сади интихобкунандагон ҷонибдорӣ карда, ба президенти пешин Петр Порошенко 15,93 дар сад ва ба раҳбари "Баткившина" Юлия Тимошенко 13,40 дар сади мардум раъй доданд.

Натиҷаи ниҳоии интихобот то 10-уми апрел эълон хоҳад шуд. Барои баранда шудан, номзад бояд беш аз 50%-и раъйро ба даст орад. Дар сурати ғайр, даври дувуми интихобот эълон хоҳад шуд. Он 21-уми апрел баргузор ва натиҷаи ниҳоӣ то 1-уми май эълон мешавад.

Дар Украина президентро барои 5 сол интихоб мекунанд.