Эрон ташқи ишлар вазири: Англия томонидан Эрон нефт танкерини қўлга олиш "денгиз қароқчилари " сайъ-ҳаракати билан тенгдир

Ирна ахборот агентлигининг тарқатган хабарига кўра, Гибралтар бўғозида Англия денгиз кучлари томонидан Эрон нефт ташувчи танкерини ноқонуний қўлга олиниши натижасида бу мамлакатнинг Эрондаги элчиси пайшанба куни аср пайтида, Эрон Ислом Жумҳуриятининг ташқи ишлар вазирлигига даъват этилди. 
Эрон ташқи ишлар вазирлиги қошидаги ғарбий Европа учинчи идорасининг раҳбари бу учрашув жараёнида бундай сайъ-ҳаракатни қабул қилиб бўлмайдиган сайъ-ҳаракат деб билди ва Американинг истак-хоҳиши билан бу амал содир этилгани ҳақида далиллар мавжуд эканлигини зикр этиб ўтиш зимнида, қўлга олинган Эрон нефт танкерини зудлик билан қуйиб юборишни сўради.
Эрон ташқи ишлар вазирлиги ғарбий Европа учинчи идорасининг раҳбари бу амал европалик мамлакатлар доим эътироз қилиб келадиган Американинг уша зўравонлик сиёсати ҳисобланади,-деб қўшимча қилди.
Бу учрашувда қонуний ҳаракат қилган ушбу нефт танкерига тегишли ҳужжатлар Англия элчисига топширилди ва Эрон Ислом Жумҳурияти бу нефт танкерини озод этиш учун ўзининг бор ҳақ-ҳуқуқи ҳамда қонуний ва сиёсий имкониятларидан фойдаланади,- деб таъкидланди. 
Англиянинг Теҳрондаги элчиси бу учрашув жараёнида мазкур учрашув натижаларини Англияга етказишини баён этиш билан бирга Англия Эронга қарши Американинг бир томонлама жорий этган санкцияларини қўллаб-қувватламайди, -деб таъкидлади. 
Америка бу нефт ташувчи танкер Сурия учун хом нефтни олиб бораётган эди деб иддао қилмоқда. 
Испания ташқи ишлар вазири Жозеф Боррелл пайшанба куни аср пайтида, Испания ҳокимияти остидаги сув ҳудудида Эроннинг нефт танкери қўлга олинган,-деб эълон қилди. 
Франс-24 телеканали ҳам пайшанба куни Испания манбаларига таяниб, Эрондан ҳаракат қилган нефт танкерини қўлга олиш Американинг Англиядан илтимос қилиши натижасида Гибралтар бўғозида амалга оширилган,-деб эълон қилди.