Маскав дар карантин: коронавирус пойтахти Русияро холӣ кард - видео
Ба хотири пешгирӣ аз паҳншавии густурдаи коронавирус аз 28 март дар Маскав чораҳои пешгирикунанда ҷорӣ карда шуданд
Марказҳои савдо ва маконҳои тамошобоби оммавӣ бо қарори президенти кишвар Владимир Путин ҷиҳати пешгирӣ аз паҳншавии коронавирус дарҳои худро бастанд.
Мири шаҳр Сергей Собянин қарор баровард, ки аз 28 март то 5 апрел, ҳамагуна кафеҳо, тарабхонаҳо, клубҳо, кинотеатрҳо ва осорхонаю театрҳо баста шаванд.
Ҳамаи боғҳои фароғатии шаҳри Маскав низ баста шуданд. Ҳафтаи равон сокинон ва меҳмонони шаҳри Маскав наметавонанд ба боғҳои "Парк Горкого", ВДНХ, "Сарисино", "Коломенское", "Заряде", "Соколники" ва "Кусково" бираванд.
Албатта, то ҳол дар кӯчаҳои Маскав мардум гашту гузор доранд, вале дар қиёс бо рӯзҳои маъмулӣ, кӯчаҳо холитар ҳастанд.
Тибқи омори расмӣ то 29 марти соли 2020 дар Русия 1534 кас мубталои коронавирус шуда, 8 кас аз ин беморӣ ҷон бохтанд.
Комментарии (0)