Аҳмадзода барои мубориза бо коронавирус 6,5 миллион сомонӣ ҷудо кард

Аҳмадзода барои мубориза бо коронавирус 6,5 миллион сомонӣ ҷудо кард
Раҷаббой Аҳмадзода, раиси вилояти Суғд, бо имзои як қарор барои пешгирӣ аз сироят ва паҳншавии коронавирус - COVID-19 аз буҷа 6,5 миллион сомонӣ ҷудо кард

Дар бораи ҷудо шудани 6,5 миллион сомонӣ, зимни ҷаласаи навбатии Ситоди вилоятӣ оид ба пурзӯр намудани чораҳои зиддиэпидемикӣ барои пешгирии сирояти коронавирус иттилоъ дода шуд.

Тибқи иттилои сардори Раёсати тандурустии вилояти Суғд, Фаррух Мақсудзода аллакай бо харҷи 2 миллиону 100 ҳазор сомонӣ маҳлулҳои безараркунанда, ниқобҳои махсуси тиббӣ антисептикҳо харидорӣ карда шуд.

Манбаъ афзуд, ҳамзамон ба маблағи 4 миллиону 400 ҳазор сомонӣ дастгоҳу таҷҳизоти зарурии тиббӣ аз қабили ИВЭ, кардиомонитор, корҷомаҳои тиббӣ, пулси оксиметрӣ ва 40 намуди доруворӣ харидорӣ гардидааст.

Котиботи раиси Суғд, илова намуд, ки айни замон баҳри тақвият бахшидани корҳои пешгирикунанда аз ҷониби мақомоти иҷроияи ҳокимияти давлатии вилояти Суғд ҷудо намудани маблағҳои иловагӣ дар назар дошта шудааст.

Манбаъ таъкид намудаст, ки то ба имрӯз дар Тоҷикистон бемории сироятии коронавирус ба қайд гирифта нашудааст. Ҳадаф аз тақвияти корҳои пешгирикунанда пеш аз ҳама ҳифзи солимии ҷомеа ва бехатарии аҳолӣ маҳсуб меёбад, илова намуд котиботи раиси Суғд.

Комментарии (1)

  • Исмоил
    Исмоил

    Рахмат ба сардорони давлат барои пешгирии ин выруси хатарнок.Аз шумо як хохиши дигар доремки барои пахн нашудани вырус,сархади бо хамсояи мо давлати киргизистонро тахти назорат гирифта нагузоремки аз тарафи хамсояи мо ин вырус ба ватани азизамон гузарад,аз ин сабаб илтимос мекунемки сархадро хаматарафа махкам кунед.Ткунед.То каеки сархад махкам нест хамаи мо дар хатарем.

    Ҷавоб додан
Оставить комментарий