Арабистони Саудӣ вуруди шаҳрвандони 20 кишварро муваққатан манъ кард

Арабистони Саудӣ вуруди шаҳрвандони 20 кишварро муваққатан манъ кард
Мақомоти Арабистони Саудӣ тасмим гирифтанд, вуруди шаҳрвандони 20 кишварро муваққатан манъ намоянд

Хабаргузории расмии Арабистони Саудӣ ба нақл аз як мақом дар Вазорати кишвари Саудӣ ахиран эълом кардааст, ки дар пайи густариши бемории Ковиди 19 вуруди шаҳрвандони 20 кишвар ба ҷуз дипломатҳо, муттахассисони беҳдошт ва саломат ва хонаводаҳои онҳо муваққатан манъ шудааст, иттилоъ додааст радиои тоҷикии Садои Хуросон.

Бино бар иттилои манбаъ вуруди муваққатӣ ба шаҳрвандони Олмон, Амрико, Аргентина, ИМА, Индонезия, Ирландия, Япония, Италия, Покистон, Бразилия, Португалия, Англия, Туркия, Африқои Ҷанубӣ, Шветсия, Шветсария, Фаронса, Лубнон, Миср ва Ҳинд дахл доштааст.

Арабистони Саудӣ пас аз Ироқ зиёдтарин маргу мир аз коронаро миёни кишварҳои арабии Ғарби Осиё сабт кардааст.
То кунун беш аз 368 ҳазор бемори Ковиди 19 дар Арабистон шиносоӣ ва марги 6 ҳазору 400 нафар аз онон низ сабт шудааст.

Комментарии (0)

Оставить комментарий