Бигзор пул кор кунанд: Путин бо Раҳмон вазъи муҳоҷиронро баррасӣ мекунад
Владимир Путин, раисиҷумҳури Русия бо ҳамтоёнаш аз кишварҳои дигар вазъи муҳоҷирин дар Русияро баррасӣ хоҳад кард
Путин ният дорад, масъалаи амнияти муҳоҷирони меҳнатиро бо роҳбарони кишварҳои таъминкунандаи Русия бо нерӯи корӣ баррасӣ намояд.
Ин нуктаро раисиҷумҳури Русия зимни ҷаласаи Шӯрави давлатӣ ва Шӯро оид ба рушди стратегию лоиҳаҳои миллӣ таъкид намуд.
“Баррасии ин масъала зарур аст ва ман инро бо ҳамкорон аз кишварҳое, ки аз он ҷо ба Русия муҳоҷирони меҳнатӣ меоянд, баррасӣ хоҳам кард”, - гуфт Владимир Путин.
Ба гуфтаи ӯ аллакай дар марҳалаҳои аввал бояд бехатарӣ таъмин карда шавад, ҳам барои муҳоҷирони меҳнатие, ки дар сохтмон машғули коранд ва ҳам барои русиягиҳое, ки дар ин иншоот фаъолият доранд.
Путин гуфтааст, бояд имкон дод, ки ҳам муҳоҷирон маблағ кор кунанду ҳам соҳаи сохтмон рушд ёбад.
Раисиҷумҳури Русия аз камбуди нерӯи корӣ дар бахши сохтмон суҳбат карда, таъкид намудаст, ки ин мавзуъро бо ноиби сарвазир Марат Хуснуллин баррасӣ карда буд. Бояд дид албатта, суроғавӣ, тавзеҳ дод Путин.
Қаблан аз пешниҳоди Вазорати сохтмони Русия барои вуруди соддаи муҳоҷирони меҳнатӣ бо риояи қоидаҳои беҳдоштӣ хабар дода шуда буд. Зикр гардида буд, ки ширкатҳои ниёзманд ба нерӯи корӣ метавонанд муҳоҷирони меҳнатиро бо риояи қоидаҳои беҳдоштӣ ва таъмини кору манзили зист ҷалб намоянд.
Баррасии ин масъала дар ҳолест, ки Тоҷикистон яке аз кишварҳои асосии таъминкунандаи Русия бо муҳоҷирони меҳнатӣ буда, ҳамасола садҳо ҳазор тоҷикистонӣ барои кор озими Русия мешавад. Аммо имсол ба далели марзбандӣ рафтуомади тоҷикистониён ба Русия маҳдуд шудааст. Маскав ба пешниҳоди Душанбе барои оғози парвозҳои мунтазам бо риояи қоидаҳои беҳдоштӣ то ҳол посух надодааст.
Комментарии (0)