Интихоби президент ФФТ: Рустами Эмомалӣ меравад ва ё мемонад

Интихоби президент ФФТ: Рустами Эмомалӣ меравад ва ё мемонад
Дар Федератсияи футболи Тоҷикистон, ки роҳбариашро раиси шаҳри Душанбе ва раиси Маҷлиси миллии Тоҷикистон Рустами Эмомалӣ бар ӯҳда дорад, аз нав интихобот баргузор мекунанд

Дар бораи аз нав интихоб шудани президенти ФФТ сомонаи федератсия хабар додааст.

Гуфта мешавад, интихоботи президенти ФФТ дар Конфронси ҳисоботиву интихоботии Федератсияи футболи Тоҷикистон рӯзи 16 декабр баргузор мешавад. 

Интизор меравад, ки конфронс дар маҷмааи "Кохи Наврӯз" баргузор шавад.

"Дар рӯзномаи Конфронс ҳафт масъала интихоби котибот, ҳисобот дар бораи фаъолияти ФФТ дар солҳои 2016-2019, ворид намудани тағйиру иловаҳо ба низомномаи федератсия, интихоби президенти ФФТ ва муовинонаш, интихоби Кумитаи иҷроияи ФФТ баррасӣ хоҳад шуд", - тавзеҳ медиҳад манбаъ.

Ёдрас мешавем, феълан президентии федератсияро Рустами Эмомалӣ, раиси шаҳри Душанбе ва раиси Маҷлиси миллии Тоҷикистон бар ӯҳда дорад.

Рустами Эмомалӣ ҳамчунин яке аз созмондиҳандагони дастаи футболи "Истиқлол" аст, ки соли 2007 ташкил шуда буд. Аз соли 2008-2010  дар ҳайати даста бозӣ мекард. Пас аз анҷоми бозӣ, авал муовини раиси ФФТ ва сипас президенти ФФТ интихоб гардид.

Аз моҳи апрели соли 2019 Рустами Эмомалӣ президенти Ассотсиатсияи футболи Осиёи Марказӣ аст.

Комментарии (0)

Оставить комментарий