Овозхони ӯзбек Ҷаҳонгир Отаҷонов мехоҳад президент шавад: аз сурудхонӣ даст кашид

Овозхони ӯзбек Ҷаҳонгир Отаҷонов мехоҳад президент шавад: аз сурудхонӣ даст кашид
Овозхони маъруфи ӯзбек Ҷаҳонгир Отаҷонов аз сурудхонӣ даст кашид ва тасмим гирифт, ки барои номзад шудан ба мақоми президентии соли 2021 тамоми имконоти худро ба кор мебарад

Овозхони Ӯзбекистон Ҷаҳонгир Отаҷонов дар сафҳаи Инстаграми худ дар бораи таъсиси як ҳизби сиёсӣ ва мубориза барои мансаби сарвари давлат ба мухлисон эълони ғайриинтизор кард.


Дар паёми нави видеоӣ Отаҷонов ба ҳаводоронаш гуфт, ки ният дорад дар интихоботи навбатӣ ба курсии президентии Ӯзбекистон номзад шавад.

Аллакай маълум аст, ки омодагӣ ба як рӯйдоди муҳими сиёсӣ моҳи марти соли 2021 оғоз хоҳад ёфт.

Илова бар ин, сарояндаи собиқ нақл кард, ки чаро тасмим гирифтааст ҳаёташро дигар кунад ва ба сиёсат равад.

Дар тасмими худ Отаҷонов аз он далолат мекунад, ки мехоҳад ватани худро рушд диҳад ва гуфт "ин изҳорот набояд ҳамчун киноя аз бесамарии президенти кунунӣ дониста шавад".

"Ман мардумро обод хоҳам кард. Албатта, бо ин изҳорот ба "сарвари кунунӣ" ҳеҷ гуна "даъво" намекунам ва ҳақ надорам. Онҳо низ бо тамоми қувваашон талош мекунанд. Барори кор",-  гуфт овозхон.

Ӯ мегӯяд "ин видео шӯхӣ набуда, як изҳороти ҷиддист".

Дар ҳамин ҳол, Отаҷонов афзуд, ки ҳоло дар хориҷа дар рухсатии оилавӣ қарор дорад ва баробари бозгашт ба Тошканд, ба таблиғи номзадӣ шурӯъ мекунад.

Дар ин миён овозхони собиқ ба мардуми Ӯзбекистон барори кор ва дар интихоботи соли 2021 - "ҷонибдорони оқилу тавонмандро" орзу кард.

Комментарии (0)

Оставить комментарий