Рушди иқтисоди Тоҷикистон дар соли 2023 суст шуд

Рушди иқтисоди Тоҷикистон дар соли 2023 суст шуд

Тибқи иттилои БАОР нисбат ба охири соли 2022 кундшавии рушд ба қайд гирифта шудааст, аммо динамикаи талаботи дохилиро афзоиши сармоягузорӣ дастгирӣ кардааст

Бар асоси баррасии нави макроиқтисодии Бонки АвруОсиёии Рушд, суръати рушди иқтисоди Тоҷикистон дар моҳи январи соли 2023 дар муқоиса бо поёни соли 2022 кунд шудааст.

Моҳи январи соли ҷорӣ иқтисод бо суръати нисбатан муътадил рушд кард.

Истеҳсоли маҳсулоти саноатӣ 7,8% афзоиш ёфт, дар ҳоле ки динамикаи талаботи дохилиро афзоиши босуръати сармоягузорӣ 44,3% таъмин намуд.

"Содирот нисбат ба воридот ба андозаи камтар - аз 134,5 млн доллар ба 120 млн доллар коҳиш ёфт", - омадааст дар гузориш.

Камшавии интиқоли металлҳои гуногун ва нассоҷӣ ба хориҷа аз ҳисоби афзоиши содироти маъдан, семент ва нерӯи барқ қисман ҷуброн карда шуд.

Тибқи ин санад, дар соли ҷорӣ маҷмӯи маҳсулоти дохилии кишвар 6,5% афзоиш хоҳад ёфт.

Гуфта мешавад, ки касри савдои хориҷӣ дар Тоҷикистон дар шароити сустшавии рушди воқеӣ талаботи истеъмолӣ коҳиш ёфтааст.

Дар мавриди касри савдо дар моҳи январи соли 2023 он 265,1 млн долларро ташкил дод, ки нисбат ба ҳамин нишондиҳандаи соли гузашта (308,5 млн доллар) камтар аст.

Аз 443 млн доллар то 385 млн доллар коҳиш ёфтани воридот ба коҳиши тавозуни манфӣ мусоидат кардааст.

Ин ба коҳиши афзоиши воқеии талаботи истеъмолӣ дар иқтисод ва ба эътидол омадани қимати ҷаҳонии ашёи хом, аз ҷумла нерӯи барқ ва ғизои воридотии Тоҷикистон марбут аст.


Сарчашма: ​sputnik-tj.com​​​

Комментарии (0)

Оставить комментарий