10 фармони ҷадиди Раҳмон: кӣ барканор шуду кӣ вазифа гирифт
Раисиҷумҳури Тоҷикистон Эмомалӣ Раҳмон имрӯз бо судури 10 фармон роҳбарони чанд ниҳод ва раисони шаҳру вилояти Суғдро ҷо ба ҷо кард
Эмомалӣ Раҳмон раисҷумҳури Тоҷикистон, имрӯз 18 ноябр директори Агентии назорати маводи нашъаовар Салимзода Шерхонро аз вазифа сабукдӯш кард. Ба иттилои котиботи президенти Тоҷикистон дар ин симмат Ҳабибулло Воҳидзода такя зад.
Кишвардори Тоҷикистон инчунин Ҳайдарзода Муртазоро аз вазифаи муовини директори Агентии назорати маводи нашъаовари назди Президенти Ҷумҳурии Тоҷикистон озод кард.
Бо фармони Эмомалӣ Раҳмон ҳамчунин Муҳаммадзода Маъруф низ аз вазифа озод шуд. Номбурда бо сабаби ба кори дигар гузаштан аз вазифаи раиси шаҳри Хуҷанди вилояти Суғд барканор гардид.
Ҳамакнун Шарифзода Фирдавс иҷрокунандаи вазифаи раиси шаҳри Хуҷанд таъйин гардид.
Эмомалӣ Раҳмон раиси шаҳри Истаравшанро низ аз вазифа озод кард. Сабаби аз мансаб барканор шудани Қурбонзода Амирхон Файзулло гузаштан ба кори дигар рабт дода мешавад.
Ҳамчунин бо фармони Раҳмон, Маъмурзода Адҳам Маъмур иҷрокунандаи вазифаи раиси шаҳри Истаравшани вилояти Суғд таъин шуда, Шарифзода Фирдавс аз вазифаи раиси шаҳри Гулистонин озод карда шуд.
Манбаъ меафзояд, Маҷидӣ Бахтиёр Саидаҳмадзода раиси шаҳри Гулистони вилояти Суғд таъин гардид.
Комментарии (0)