Шаҳри бехатар: аз ҷаримагурезии Убайдуллоев то қонуншикании "Мерседес"-и Раҳмонов

Вазорати умури дохилии Тоҷикистон феҳрасти ронандаҳоеро, ки қоидаҳои ҳаракат дар роҳҳои Душанберо нақз карда ва маблағи ҷаримаро пардохт накардаанд, нашр кардааст

 Бино ба иттилои равобити умумии ин ниҳод,  рӯйхат дар асоси сабти дурбинҳои Маркази низоми худкори идоракунӣ дар соҳаи нақлиёт — "Шаҳри бехатар" пешниҳод шудааст.

Дар феҳрист исми ронандаҳои 105 автомобили шахсӣ ва ширкатҳои хизматрасонӣ омадааст.

Бино бар иттилои ВУД, аз ҳама бештар дар роҳҳои Душанбе ронанадаи "Тойота -Камри" -и Ашӯралӣ Холиқов қонуншиканӣ карда, 230 маротиба ӯро ҷарима кардаанд, аммо Холиқов то ҳол маблағи ҷаримаро насупоридааст. Маҳмадшо Носиров,  ронадаи "Лексус" низ дар ин рӯйхаст "пешсаф" аст. Ӯ дар маҷмӯъ 168 маротиба қоидаи ҳаракат дар роҳро вайрон карда, ҷаримагурезӣ кардааст. "Ҷои севвумро" Самир Азизулло гирифтааст, ки бо "Опел Астра"-аш 101 маротиба қонуншиканӣ кардааст.

Дар феҳрист исми  Фаттҳулло Убайдуллоев (ронандаи "Опел" - 10 ҷарима), Мақсуд Раҳмонов ("Мерседес -бенс" - 48) маротиба, Маҳмадалӣ Мӯсоев -46 ҷарима, Баротмад  Дустматов - 37 ҷарима ёдрас мешавад.

Аз ронандагони ширкатҳое чун ҶДММ "Муҳаммадҷон", "Талко персия", "Бунёди маблағгузории Тоҷикистон", "Автобуси-3", ҶДММ "ЭКСПРЕСС", ҶСК "НАҚЛИЁТ", "СОМОН ТРАНС", ҶСК "Шабакаҳои барқии Душанбе" низ хоҳиш карда мешавад, ки ҷаримаҳои напардохтаашонро супоранд.